नांदेड : श्री शिवाजी माध्यमिक व उच्च माध्यमिक विद्यालय बारूळ तालुका कंधार जिल्हा नांदेड येथील प्रा. डॉक्टर मुरहरी कुंभारगावे यांना इतिहास आणि पुरातत्त्व शोध संस्थान संग्रहालय बालाघाट मध्य प्रदेश कडून डॉक्टरेट पदवी प्रदान करण्यात आली.
सदर बहुमान इतिहास व शोध संस्थान चे राष्ट्रीय अध्यक्ष डॉ. वीरेंद्रसिंह गहरवार यांच्या हस्ते प्रदान करण्यात आला. यावेळी संभाजीराव धुळगुंडे (माजी जिल्हा परिषद अध्यक्ष नांदेड ) , श्री आनंदराव कुंभारगावे (सेवानिवृत्त सहाय्यक आयुक्त समाजकल्याण , श्री पिराजी धुळगुंडे माजी सरपंच इत्यादी उपस्थित होते.
प्रा. मुरहरी कुंभारगावे यांनी वैभवशाली होळकरांचा इतिहास संशोधन सह विविध प्रकारच्या साहित्यिक, सांस्कृतिक, पर्यावरणीय, समकालीन, धार्मिक, शैक्षणिक, निराधार, अपंगांची सेवा आणि इतर सृजनात्मक अशा कार्यांमध्ये सातत्याने योगदान देऊन अभूतपूर्व प्रगती साधली आहे. या सर्व कामाची दखल घेवून त्यांना डॉक्टरेट पदवी बहाल करण्यात आली आहे.
या मिळविलेल्या बहुमानाचा सर्व स्तरातून त्यांच्यावर अभिनंदनचा वर्षाव होत आहे.
