मुंबई : कोकण विभागातील धनगर समाज बांधवांच्या सर्वांगीण विकासासाठी कार्य करणार्या कोकण धनगर समाजोन्नती मंडळ मुंबई या संस्थेची ४४ वी वार्षिक सर्वसाधारण सभा दिनांक १४/९/२०२५ रोजी मुंबईत उत्साहात पार पडली.
या सभेमध्ये 2 वर्षाच्या कालावधीसाठी नवीन कार्यकारिणीची निवड करण्यात आली. यामध्ये अध्यक्ष पदी प्रा. प्रदिप झोरे तर कार्याध्यक्ष म्हणून रामचंद्र बाबू आखाडे यांची निवड करण्यात आली. तर कार्यकारीकरी मंडळामध्ये आर. बि. माने ( उपाध्यक्ष), सुरेश चंद्रकांत शिंदे ( उपाध्यक्ष ), भाऊ धोंडू टोकारे (उपाध्यक्ष ), जयराम बाबाजी शिंदे (उपाध्यक्ष ), प्रदिप जानू खरात (सचिव ), संतोष महादेव गोरे (सहसचिव ), सुरेश बबन बावदाने (खजिनदार ), विजय बबन जानकर (सह खजिनदार) म्हणून यांचा समावेश आहे.
कोकण धनगर समाजोन्नती मंडळ मुंबई हे कोकण विभागातील धनगर समाजाच्या उन्नतीसाठी स्थापन झालेले सामाजिक मंडळ आहे. मंडळाने अनेक सामाजिक कार्यकर्ते घडवून कोकण विभागातील शासनाकडून दुर्लक्षित असलेल्या समाज बांधवांना विकासाच्या प्रक्रियेत आणण्याचा प्रयत्न केला आहे. सध्या हे मंडळ मुंबई, ठाणे, रायगड, रत्नागिरी व सिंधुदुर्ग जिल्ह्यात काम करत आहे.
