पुणे : स्वर्गीय गणपतरावजी देशमुख यांच्या विचारांशी बांधिलकी असणाऱ्या सांगोला तालुका रहिवाशी संघ, पुणे – पिंपरी चिंचवड सेवा मंडळाच्या वतीने संवाद मेळावा व स्नेह भोजनाचे आयोजन करण्यात आले.
या कार्यक्रमात, नोकरी व्यवसायानिमित्त सांगोला तालुक्यातील पुणे विभागात वास्तव्यास असलेल्या सांगोलकरांना एकत्र करुन आपल्या तालुक्यातील सामाजिक, शैक्षणिक, आर्थिक आणि राजकीय स्थिती बाबत विचार विनिमय करून पुढील दिशा ठरवण्यात येणार आहे.
सदर कार्यक्रम आज दि १९ ऑक्टोबर रोजी सायंकाळी ५ वाजता संत तुकाराम चौक गार्डन व मंगल कार्यालय, डांगे – हिंजवडी रोड, कस्तुरी चौक, वाकड पुणे येथे संपन्न होणार आहे.
या कार्यक्रमाला मार्गदर्शन करण्यासाठी सांगोला तालुक्याचा बुलंद आवाज डॉ. बाबासाहेब देशमुख ( अध्यक्ष, पुरोगामी युवक संघटना महाराष्ट्र राज्य), उद्योजक मा. मारुती येडगे, मा. पांडुरंग गावडे, मा. अशोक नरळे, यांच्यासह सांगोला व पुणे, पिंपरी चिंचवड, भोसरी येथील विविध क्षेत्रातील दिग्गज मान्यवर उपस्थित राहणार आहेत.
तरी या कार्यक्रमासाठी जास्तीत जास्त संख्येने उपस्थित राहावे असे आवाहन संयोजन समितीच्या वतीने सुभाष कारंडे (कोळे), धनाजी नवले (एखतपूर), काशिनाथ आलदार (कोळे), विनायक चौगुले (वाकी), धनंजय मासाळ (सावे), उमेश बिचकुले (घेरडी), अजिंक्य फुले (खवासपूर), महेश बजबळकर (तिप्पेहळी), गोरख खरात (चिंचोली), अंकुश सातपुते (हलदहीवडी), गोरख वाघमोडे (चिंचोली), समाधान पवार (भाळवणी गट), शिवाजी हांडे (हल्दीवडी) धनाजी माडेकर (धायटी) , अरविंद वेलकर (उदनवाडी), अजय इमडे (कोळे), विनायक पाटील (शिवणे) सह सांगोला तालुका रहिवाशी संघ, पुणे-पिंपरी चिंचवड यांनी केले आहे.
