नवी दिल्ली : महाराष्ट्र, उत्तर प्रदेश, तेलंगणा, उत्तराखंड, पश्चिम बंगाल, ओडिशा, आंध्र प्रदेश, बिहार, छत्तीसगड, गुजरात, हरियाणा, हिमाचल प्रदेश, कर्नाटक, मध्य प्रदेश, , आणि राजस्थान या १५ राज्यांमधील राज्यसभेच्या ५६ जागांसाठी २७ फेब्रुवारी रोजी निवडणूक होणार असल्याची घोषणा भारतीय निवडणूक आयोगाने केली. या घोषणेमुळे देशात आगामी निवडणुकांचे बिगूल वाजले आहे.
आयोगाने दिलेल्या माहितीनुसार, राज्यसभेच्या निवडणुकांसाठी ८ फेब्रुवारी रोजी अधिसूचना जारी होईल. उमेदवारी अर्ज भरण्याची शेवटची तारीख १५ फेब्रुवारी आहे. तर २७ फेब्रुवारी रोजी सकाळी ९ ते सायंकाळी ४ दरम्यान मतदान होईल. त्याच दिवशी सायंकाळी मतमोजणी होईल.
राज्यनिहाय राज्यसभेच्या जागा
महाराष्ट्र – ६, तेलंगणा – ३, उत्तर प्रदेश – १०, कर्नाटक – ४, मध्य प्रदेश – ५, उत्तराखंड – १, पश्चिम बंगाल – ५ ओडिशा – ३ आंध्र प्रदेशातील – ३, बिहार – ६, छत्तीसगड – १, गुजरात – ४, हरियाणा – १, हिमाचल प्रदेश – १, आणि राजस्थानमधील राज्यसभेच्या ३ जागांचा समावेश आहे. वरील १५ राज्यांमधील ५६ खासदारांचा कार्यकाळ एप्रिलमध्ये संपत असल्याने ही निवडणूक घेण्यात येत आहे.
महाराष्ट्रातील ‘या‘ सहा खासदारांचा कार्यकाळ संपणार
- कुमार केतकर (काँग्रेस)
- वंदना चव्हाण (राष्ट्रवादी काँग्रेस शरद पवार गट)
- प्रकाश जावडेकर (भाजप)
- मुरलीधरन (भाजप)
- नारायण राणे(भाजप)
- अनिल देसाई (शिवसेना उद्धव ठाकरे गट)
१३ राज्यांतील ५० राज्यसभा सदस्यांचा कार्यकाळ २ एप्रिल रोजी तर २ राज्यांतील उर्वरित ६ सदस्यांचा कार्यकाळ ३ एप्रिल रोजी संपत आहे.
