पुणे : महाराष्ट्र, कर्नाटक, आंध्र प्रदेश, गोवा, मध्य प्रदेश आदी राज्यांतील लाखो भाविकांचे श्रद्धास्थान असलेले श्री क्षेत्र पट्टणकोडोली येथील श्री विठ्ठल बिरदेव यात्रेत लाखो भाविकांच्या उपस्थितीत श्री फरांडे बाबा यांनी केलेली भाकणूक अखेर खरी ठरली आहे. त्यामुळे भक्तांमध्ये आनंदाचे वातावरण निर्माण झाले आहे.
दिनांक २१ ऑक्टोबर रोजी श्री क्षेत्र पट्टणकोडोली येथे श्री विठ्ठल बिरदेव यांच्या नावाने ‘चांगभलं…’चा अखंड गजर करत प्रमुख मानकरी व पुजारी यांच्या उपस्थितीत श्री फरांडे बाबांच्या भाकणुकीचा मुख्य सोहळा मंदिरात पार पडला होता. यावेळी राजकारणामध्ये उलथापालथ होऊन राज्यात भगवा फडकेल, अशी भाकणूक त्यांनी केली होती. विशेष म्हणजे सर्व प्रसार माध्यमासहित राज्याचे मुख्यमंत्री एकनाथ शिंदे यांनी यावर विश्वास ठेवून आपल्या भाषणातून उल्लेख केला होता.
यापूर्वीहि पट्टणकोडोली यात्रेत फरांडे बाबांनी अनेक भाकणूका केल्या होत्या. त्या सत्य ठरल्या आहेत. त्यामुळे श्री विठ्ठल बिरुदेव व फरांडे बाबा भक्तांमध्ये आनंदाचे, चैतन्यमय वातावरण निर्माण झाल्याचे दिसून येत आहे.
